Хаклӑ туссем!
Сире Ачасене хӳтӗлемелли пӗтӗм тӗнчери кун ячӗпе саламлатӑп!
Ачалӑх – ним шухӑшсӑр выляса-кулса иртекен хаваслӑ вӑхӑт ҫеҫ мар, ҫӗннине, халиччен пӗлменнине ӑса хывма пулӑшакан тӗлӗнмелле тапхӑр та. Пепке куҫӗнче янкӑр таса тӳпе ытарлӑн ҫиҫет, унӑн кулли чуна ӑшӑтать, пурнӑҫа ҫутӑрах та савӑкрах тӑвать. Ачасем – пирӗн шанчӑк, пирӗн пуласлӑх, ҫавӑнпа та пирӗн, ҫитӗннисен, вӗсем чӑннипех телейлӗ пулччӑр тесе хамӑртан мӗн килнине пурне те тумалла.
Республикӑра ҫамрӑк ӑрӑва йӗркеллӗн пӑхса ҫитӗнтерес тӗлӗшпе нумай ӗҫлетпӗр. Хальтерех кӑна «Тӗп хуламӑрти пӗр кун» проект ӑнӑҫлӑн пурнӑҫланчӗ, унпа килӗ-шӳллӗн муниципаллӑ пӗрлӗхсенчи ачасем Шупашкарта йышлӑн пулса курчӗҫ, унта вӗсене хӑйсемпе пӗр ҫулхи тантӑшӗсем республикӑн тӗп хулинчи паллӑ вырӑнсемпе паллаштарчӗҫ.
Ачасен канӑвне йӗркелеме тата сывлӑхне ҫирӗплетме Чӑваш Енре кашни ҫулах шкул ҫумӗнчи тата хула тулашӗнчи лагерьсем уҫӑлаҫҫӗ. Кӑҫал 6 пин ытла ача валли профильлӗ смена йӗркеленӗ. Ҫуллахи каникул вӑхӑтӗнче пирӗн ачасене кванториумсенче, IT-кубсенче, И.Я. Яковлев ячӗллӗ Чӑваш патшалӑх педагогика университетӗнче, И.Н. Ульянов ячӗллӗ Чӑваш патшалӑх университетӗнче 16 тематика программи кӗтет. Вӗсем ҫавӑн пекех культурӑпа спорт тата библиотека учрежденийӗсене ҫӳреме, ӑмӑртусене хутшӑнма, фильмсем курма пултараҫҫӗ. Раҫҫей Президенчӗ пӗлтернӗ Ҫемье ҫулталӑкне халалласа хулари тата республикӑри ҫемье фестивалӗсене ирттерме палӑртнӑ. Килсе ҫитнӗ ҫу кунӗсем пурсӑра та ҫутӑ туйӑмсем парнелессе, хастарлӑхпа иксӗлми вӑй-хал кӳрессе шанса тӑратӑп. Кашниех хӑйне кӑмӑла каякан ӗҫ тупма пултартӑр.
Паян республикӑра нумай ачаллӑ 18 пин ытла ҫемье пурӑнать. Вӗсен шучӗ йышланса пыни савӑнтарать, 2012 ҫултанпа Чӑваш Енре ҫавнашкал ҫемьесен шучӗ икӗ хут ӳсрӗ.
Чӑваш Енре пурӑнакан ҫамрӑк туссем! Сире пурне те пӗлессишӗн ӑнтӑлма, ҫирӗп сывлӑхлӑ та хӑюллӑ пулма сунатӑп! Ӗмӗтленӗр, пултарӑр, пысӑк ҫитӗнӳсем тӑвӑр! Эпир вара, ҫитӗннисем, сирӗншӗн савӑнӑпӑр. Эсир телейлӗ пулсан – эпир икӗ хут телейлӗрех!
Уяв ячӗпе, хаклӑ ачасем!
Чӑваш Республикин Пуҫлӑхӗ Олег Николаев
Дорогие друзья!
Поздравляю вас с Международным днем защиты детей!
Детство – это не только время беззаботных игр и веселья, но и удивительная пора открытий и познаний. В глазах детей отражается чистое небо, а улыбки согревают душу, наполняют теплом и радостью жизнь. Дети – наша надежда, наше будущее, и мы, взрослые, обязаны сделать всё, чтобы они были по настоящему счастливы.
В республике делается многое для юных жителей Чувашии. Недавно был успешно реализован проект «Один день в столице», когда ребята из муниципальных образований организованно приезжали в Чебоксары, где сверстники приготовили для них насыщенную программу знакомства со столицей республики.
Для отдыха и оздоровления в Чувашии ежегодно открываются двери пришкольных и загородных лагерей. В этом году пройдет 31 профильная смена для более чем 6 тысяч детей. В период летних каникул наших ребят ждет 16 тематических программ в кванториумах, IT-кубах, ЧГПУ им. И.Я. Яковлева и ЧГУ им. И.Н. Ульянова. Работают учреждения культуры и спорта, библиотеки, проводятся соревнования, организованы показы фильмов. Запланированы городские и республиканские семейные фестивали, приуроченные к Году семьи, объявленному Президентом России. Уверен, наступившее лето наполнит всех яркими впечатлениями, подарит заряд оптимизма и энергии. Каждый сможет найти себе занятие по душе.
Сегодня в республике проживает более 18 тысяч многодетных семей. Радует, что их количество растет, с 2012 года число таких семей в Чувашии увеличилось в два раза.
Юные жители Чувашии! Желаю вам быть здоровыми, любознательными и смелыми! Мечтайте, творите, добивайтесь больших успехов! А мы, взрослые, будем за вас радоваться. Если вы счастливы – мы счастливы вдвойне!
С праздником, дорогие дети!
Глава Чувашской Республики Олег Николаев