Туслăх вăл - питĕ аван япала. Ăна тытса пăхма май çук, анчах туйма пулать. Туссăр пурăнма йывăр, мĕншĕн тесен вăл ялан пулăшать, култарать, выляттарать.

Манăн та тус пур. Ăна Вадим тесе чĕнеççĕ. Вăл - манăн чи çывăх тус, эпĕ ăна тĕрлĕ енлĕ пулăшма тăрăшатăп. Вадим та мана кирлĕ вăхăтра яланах пулăшать. Шел, эпир пĕр ялта пурăнмастпăр. Пĕр ялта пурăннă пулсан пĕр-пĕринпе яланах тĕрлĕ вăйă выляттăмăрччĕ, пĕр-пĕрне пахчасенчи çĕрулмие кăларма та, утă типĕтсе пуçтарма та пулăшаттăмăрччĕ.

Мана тата тус чунăмри хăш-пĕр вăрттăнлăхсене упрама та кирлĕ. Тус ку енĕпе сутмĕ, никама та каласа памĕ, мĕн ватăлса виличченех хăйĕнче тытĕ.

Дмитрий УДЯКОВ, Мăн Этмен шкулĕн 6-мĕш класс вĕренекенĕ.

ххх

Туслăх вăл - икĕ çын хушшинчи çирĕп çыхăну. Шанчăклă тус хуйхăра та, савăнăçра та пĕрле. Тус яланах пулăшма тăрăшать, анчах та туслăха хаклама пĕлесчĕ.

Манăн икĕ тус пур: пĕринпе пĕчĕкренех туслă пурăнатпăр, теприне ултă çул лайăх пĕлетĕп. Эпир пушă вăхăта яланах пĕрле ирттеретпĕр, йывăр самантсенче те пĕр-пĕрне пулăшма тăрăшатпăр.

Пĕррехинче эпĕ чирленипе урама тухаймарăм. Ман тус кашни кунах çыратчĕ, хавхалантарма тăрăшатчĕ.

Туслăх - çыхăну, шану, пулăшу, хисеплени.

Вадим АНДРЕЕВ, Мăн Этмен шкулĕн 6-мĕш класс вĕренекенĕ.