Чăваш Республикин Пуçлăхĕн Михаил Игнатьевăн 2017 çулхи декабрĕн 29-мĕшĕнчи йышăнăвĕпе республикăри 1000 çамрăк ятарлă стипенди илсе тăрĕ. Палăртма кăмăллă, вĕренỹре, спортра, ĕçре тата ытти тытăмра пултарулăхпа палăрнисем, пысăк çитĕнỹсем тунисем хушшинче пирĕн районти çамрăксем те пур. Вĕсем çулталăк тăршшĕпех 1830 тенкĕпе танлашакан стипенди илсе тăрĕç.

Чăваш Республикин Пуçлăхĕн стипендине тивĕçнисем:

- Василий Александрович ВАЗИН, Чăваш патшалăх ялхуçалăх академийĕн студенчĕ, Питĕркасси ялĕнчен;

- Федор Николаевич БРОДЮКОВ, ЧР Шалти ĕçсен министерствин Шупашкар хулинчи 1№ полици уйрăмĕн уголовлă шырав пайĕн оперуполномоченнăйĕ, Анат Чутай ялĕнчен;

- Татьяна Андреевна МАКСИМОВА, Хĕрлĕ Чутайри вăтам шкулта 11 А класра вĕренекен;

- Светлана Юрьевна ПАХИНОВА, Хĕрлĕ Чутайри вăтам шкулта 10 А класра вĕренекен;

- Алена Владиславовна ПИМЕНОВА, Хĕрлĕ Чутайри вăтам шкулта 11 А класра вĕренекен;

- Сергей Анатольевич ПРАУЛОВ, Хĕрлĕ Чутайри вăтам шкулта 10 Б класра вĕренекен;

- Анастасия Александровна СЛЕПОВА, Шупашкарти Н.В.Никольский ячĕпе хисепленекен професси колледжĕн студентки, СХТ территорийĕнчен;

- Анастасия Романовна СУДАКОВА, Хĕрлĕ Чутайри вăтам шкулта 10 А класра вĕренекен;

- Андрей Александрович ТЕРЕНТЬЕВ, Хĕрлĕ Чутайри вăтам шкулта 11 Б класра вĕренекен;

- Рената Витальевна ЧИШКИНА, Шупашкарти Ф.П.Павлов ячĕллĕ музыка училищин педагог-организаторĕ, преподавателĕ.

Хисеплĕ вулакансем, енчен те эсир кăçалхи стипендиатсем хушшинче пирĕн ентешсем татах пуррине пĕлетĕр пулсан, пире хăвăрăн шухăшăра шăнкăравласа е çырса пĕлтерме ыйтатпăр. (Тĕплĕнрех - хаçатăн çитес номерĕсенче).

А.КАРПОВА.