Çул-йĕр çинчи йĕркене сăнаса тăрас, правилăсене пăсакансене тупса палăртас тĕллевпе çул-йĕр çинчи хăрушсăрлăх инспекцийĕ тăтăшах тĕрлĕ рейдсем ирттерет. Тĕслĕхрен, паян "Çуран утакан" рейд пырать. Февралĕн 16-17-мĕшĕсенче "Урă мар водитель", февралĕн 20-мĕшĕнче "Ачасем. Ачасене тытса пыракан хатĕрсем" тата февралĕн 22-мĕшĕнче "Автобус" рейдсем ирттерме палăртнă. Тĕрĕссипе, хисеплĕ водительсем, рейдсем пынă вăхăтра кăна мар, кашни кунах, тăтăшах çул-йĕр правилисене пăхăнмалла, çул çинче пĕр-пĕрне хисеплеме пĕлмелле. Çавăн чухне кăна çул çинче йĕрке пулĕ.

Тепĕр самант çинче тĕплĕн-рех чарăнса тăрас килет. Чылайăшĕ асăрханă пулĕ, район центрĕнчи Çĕнтерỹ лапамĕнче "Инвалид" паллăна вырнаç-тарчĕç. Темшĕн-çке чылай водитель çак паллăна курса тăрсах ун çывăхĕнче машинине лартса хăварать. Асăрхаттарасшăн: асăннă паллă патĕнче инвалид шутланман çын хăйĕн транспортне лартса хăварсан пысăк штрафа тивĕçет. Унăн машинине эвакуацилеме те пултараççĕ.

Тимлĕ пулăр, водительсем!

Владимир ГАЛКИН, çул-йĕр хăрушсăрлăх инспекцийĕн

Çĕмĕрлери уйрăмĕн начальникĕ.