Районти опекăпа попечительство секторĕнче хальхи вăхăтра тăлăх тата ашшĕ-амăш хỹттисĕр юлнă 119 ача учетра тăрать. 119 ачаран 14-шĕ - тăлăхсем, 105-шĕ - ашшĕ-амăш хỹттисĕр юлнисем. Çак ачасенчен 46-шĕ опекунсен 39 çемйинче воспитани илет, 73-шĕ - 44 усрав çемьере. Тепĕр тăватă ачана хăйсен ирĕкĕпе тăватă çемьене опекăна панă, тата тăватă ачана граждансем усрава илнĕ.

Тăлăх тата ашшĕ-амăш хỹттисĕр юлнă ачасене пурăнмалли вырăнпа тивĕçтерссине те эпир тимлĕх уйăрсах тăратпăр. Пурăнмалли хăтлă вырăнпа тивĕçтермелли списокра пурĕ 69 граждан тăрать. Пĕлтĕр 3 ачана пурăнмалли вырăнпа тивĕçтертĕмĕр.

Хваттере тивĕçнисем хăйсен пурăнмалли вырăнĕсене мĕнле шайра тытса тăнине, коммуналлă тỹлевсене вăхăтра тỹленине тĕрĕслесех тăратпăр.

Эпир çемьесенче пурăнакан ачасем ашшĕ-амăш хỹттисĕр ан юлччăр тесе те чылай ĕç туса ирттеретпĕр. "Социаллă тăлăхсем" ан пулччăр тесе йывăр лару-тăрури çемьесене асăрхасах тăратпăр. Виçĕ ачан ашшĕ-амăшне ашшĕ-амăш прависĕр хăварнă. Хальхи вăхăтра райадминистрацин çул çитменнисемпе ĕçлекен комиссинче йывăр лару-тăрури 39 çемье учетра тăрать, вĕсенче 68 ача ỹсет. Саккуна тĕрлĕ шайра пăснăшăн 11 ачана çул çитменнисен учетне илнĕ.

Алевтина ДАДЮКОВА,

райадминистрацин опекăпа попечительство секторĕн заведующийĕ.