Адреспа справка информацийĕпе тивĕçтерекен патшалăх пулăшăвне илме ансатрах пулать. Граждансене меллĕрех пултăр тесе, патшалăх пулăшăвĕпе тивĕçтерессин пахалăхне ỹстерес тĕллевпе 2017 çулхи декабрĕн 1-мĕшĕнчен адреспа справка çинчен информацие хăй халлĕн е патшалăх тата муниципаллă пулăшусен Пĕрлехи порталĕ урлă илме пулать. Кирлĕ информацие илме кайсан çумра çак документсем пулмалла: паспорт, çирĕплетнĕ формăпа çырнă заявлени. Юридици сăпачĕсен заявлени кăна пулмалла. Пĕрлехи порталпа усă курнă чухне заявлени кăна кирлĕ. Кун пек чухне заявленисене кĕске хушăра пăхса тухаççĕ. Патшалăх пулăшăвĕсемпе çак срокра тивĕçтереççĕ:

- енчен те гражданин хăй тĕлĕшпе адреспа справка информацине илме заявлени çырнă пулсан - заявление регистрациленĕ кунран 15 календарлă кун хушшинче;

- енчен те гражданин тупса палăртнă хирĕçỹлĕх çинчен уведомленипе тухсан - уведомление регистрациленĕ кунран виçĕ ĕç кунĕ хушшинче;

- енчен те гражданин е юридици сăпачĕ информацие çын тĕлĕшпе илесшĕн-тĕк - заявление регистрациленĕ кунран 30 кун хушшинче.

Асăннă пулăшу тỹлевсĕр. Ыйтса пĕлмелли телефон: 8 (8352) 62-91-33.

Елена ШОРНИКОВА,

Федераллă Миграци службин

районти уйрăмĕн тĕп эксперт специалисчĕ.