2018 çулхи апрелĕн 8-мĕшĕнче Раççейре Çар комиссариачĕсен сотрудникĕсен кунне паллă тăваççĕ. Çар комиссариачĕсем 100 çул хушши ĕнтĕ çĕршывăн оборона пултарулăхĕ енĕпе патшалăх задачисене пурнăçа кĕртессипе тивĕçлĕ ĕçлесе пыраççĕ.

Хĕрлĕ Чутай районĕн çар комиссариатне йĕркелесси 1938 çулхи сентябрĕн 25-мĕшĕнче пуçланнă. 1963 çулхи апрелĕн 14-мĕшĕнче ăна салатса янă. Пур ресурссене, пурлăха, архив докуменчĕсене Çĕмĕрле районĕн çар комиссариатне куçарнă. Çурта ЧАССР-ăн тубдиспансерне панă. Ултă çултан (1969 çулхи январĕн 8- мĕшĕнче) Хĕрлĕ Чутай районĕн çар комиссариачĕ тепĕр хутчен йĕркеленет.

Аслă Отечественнăй вăрçă вăхăтĕнче те çар комиссариачĕ тĕрлĕ задачăсене пурнăçланă.

2006 çулхи декабрĕн 30-мĕшĕнче Хĕрлĕ Чутай районĕн çар комиссариатне салатнă пирки вăл Етĕрне хулине куçнă. Вăл Етĕрне тата Хĕрлĕ Чутай районĕсен çар комиссариачĕ пулса тăнă.

Çар комиссариачĕ йĕркеленнĕренпе ăна çак комиссарсем ертсе пынă: 1.Филипп Леонтьевич Горбунов, политрук (1938-1943 çç.); 2. Иван Петрович Васюхин, политрук (1943-1947 çç.); 3. Федор Михайлович Безверхов, политрук (1947-1952 çç.); 4. Андриян Григорьевич Наговицин, политрук (1952-1955 çç.); 5. Алексей Иванович Лебедев, политрук (1955-1960 çç.); 6. Василий Александрович Лопатин, политрук (1960-1963 çç.); 7. Алексей Иванович Шорин, майор (1969-1970 çç.); 8. Флегент Романович Медаков, майор (1970-1975 çç.); 9. Василий Павлович Павлов, майор ( 1975-1980 çç.); 10. Александр Александрович Буйволов, майор (1980-1985 çç.); 11. Анатолий Степанович Сорокин, подполковник (1985-1988 çç.); 12. Юрий Николаевич Колокольчиков, подполковник (1988-1997 çç.); 13. Иван Николаевич Кондратьев, подполковник (1997-2005 çç.); 14. Владимир Геннадьевич Мареев, подпол-ковник (2005-2006 çç.); 15. Анатолий Семенович Фокин, полковник (2006-2009 çç.); 16. Владимир Геннадьевич Мареев, подполковник (2009 ç.) 17. Сергей Тахирович Мухаметшин (2009 ç.); 18. Александр Геннадьевич Прокопьев (2010 çултанпа паянхи кунччен).

А.ПРОКОПЬЕВ,

Чăваш Республикин Етĕрне тата

Хĕрлĕ Чутай районĕсен çар комиссарĕ.