ВНИМАНИЮ РЕКЛАМОДАТЕЛЕЙ!
Все объявления и реклама дублируются
в группах райгазеты в социальных сетях "Одноклассники", "ВКонтакте", "Телеграм".
МеталлВиД, село Красные Четаи.
Требуются рабочие на хлебозавод
в город Королев МО.
Вахта 15/15. Питание и общежитие бесплатно.
Зарплата 2500 руб. в день. Выезд 14 апреля.
Тел.: 8 987 122 55 25.
Дорогие друзья! Мы принимаем объявления на сайт!
Подробности по телефону: 8(83551)2-11-67, 8 (905) 341-06-62.E-mail: krchpress@chtts.ru , smi06@cap.ru
Раççей Федерацийĕн Президенчĕн Владимир Путинăн 2017 çулхи сентябрĕн 16-мĕшĕнчи 425-мĕш номерлĕ Указĕпе килĕшỹллĕн Хусанушкăнчи пĕтĕмĕшле пĕлỹ паракан тĕп шкулта 9-мĕш класра вĕренекен Кирилл Блинова "За спасение погибавших" медальпе наградăланă.
Аса илтеретпĕр, 2016 çулхи июлĕн 19-мĕшĕнче Кирилл Блинов Тихăнушкăнь ял пĕви енчен пулăшу ыйтса кăшкăрнине илтнĕ. Тракушкăнче пурăнакан амăшĕпе Кирилл тỹрех унта чупнă. Унта вара акă мĕн пулса иртнĕ: пĕвери катамаран çинче 7 çулхи хĕрача кăшкăрса макăрнă. Унăн ашшĕ хирĕç ишекен 12 çулхи тепĕр хĕрачи путма пуçланине курсан ăна çăлма васканă, анчах хăй пĕве тĕпне анса кайнă та каялла тухайман. Кирилл катамаран çинчи хĕрачана та, путма пуçланă хĕрачана та çăлнă, анчах та вĕсен ашшĕне çăлайман. Амăшĕпе Кирилл часрах васкавлă пулăшу чĕннĕ, тăванĕсене пĕлтернĕ. Çавăн пекех Кирилл шыравçăсене хĕрачасен ашшĕ ăçтарах путса аннине кăтартса пулăшнă. Çак паттăрла ĕçшĕн Кирилл Блинова путакансене çăлнăшăн тивĕçекен наградăна пама документсем хатĕрлени пирки эпир район хаçатĕнче кăçалхи февраль уйăхĕнче çырсаттăмăр. Çавăнпа та çак кунсенче çĕршыв ертỹçи маттур та пултаруллă, хăюллă Кирилл Блинова патшалăх наградине пама йышăннине пĕлсен чунтанах савăнтăмăр.
Хусанушкăнь шкулĕнчен пĕлтернĕ тăрăх, Кирилл Блинов хăй медале тивĕçнине эрне пуçламăшĕнче пĕлнĕ. Патшалăх наградине çамрăк алла хăçан илесси хальлĕхе паллă мар.
А.КАРПОВА.
Апрель 2024 |