"ЕДИНАЯ РОССИЯ" политика партийĕн ертỹçисем ноябрĕн 27-мĕшĕнчен пуç-ласа декабрĕн 1-мĕшĕччен йышăну кунĕсем ирттерме палăртнă. Çавна май район администрацийĕнче, райпо çуртĕнче, ял тăрăхĕсен администрацийĕсенче халăха йышăнĕç. Унта асăннă партин членĕсем - район тата ял тăрăхĕсен пуçлăхĕсем, район тата ял Пухăвĕн депутачĕсем - хутшăнса ял çыннисен тĕрлĕ ыйтăвĕсене татса пама пулăшĕç. Палăртатпăр, ноябрĕн 28-мĕшĕнче Чăваш Патшалăх Канашĕн депутачĕн йышăну пỹлĕмĕнче (райпо çуртĕнче) Чăваш Патшалăх Канашĕн депутачĕ В.М.Павлов 10 сехетрен пуçласа 12 сехетчен халăха йышăнĕ, район администрацийĕн пуçлăхĕ, "ЕДИНАЯ РОССИЯ" партин вырăнти секретарĕ А.В.Башкиров райадминистрацинче ноябрĕн 28-мĕшĕнче 9-15 сехетсенче йышăнĕ. Ачкасси ял тăрăхĕн администрацийĕнче - ноябрĕн 27- мĕшĕнче, Атнар, Хĕрлĕ Чутай ял тăрăхĕсен администрацийĕсенче - ноябрĕн 28-мĕшĕнче, Тралькасси ял тăрăхĕн администрацийĕнче - ноябрĕн 29-мĕшĕнче, Мăн Этменпе Пантьăк тата Питĕркасси ял тăрăхĕсенче - ноябрĕн 30-мĕшĕнче, Хусанушкăнь, Кив Атикасси тата Штанаш ял тăрăхĕсенче декабрĕн 1-мĕшĕнче халăха йышăнĕç. Палăртмалла, Кив Атикасси ял тăрăхĕн администрацийĕнче халăха 13-16 сехетсенче, ытти ял тăрăхĕсенче вара 9-14 сехетсенче йышăнĕç.

"ЕДИНАЯ РОССИЯ" политика партийĕн вырăнти уйрăмĕ.