Районти хуçалăхсем августăн 30-мĕшĕ тĕлне 3001 гектар çинче пĕр- чĕллĕ тата пăрçа йышши культурăсене вырнă, 7173 тонна тĕшĕлесе илнĕ. Гектарти вăтам тухăç _ 23,9 центнер. Тăватă хуçалăх пĕрчĕллĕ культурăсене вырса пĕтернĕ. Кĕрхи культурăсене акма хуçалăхсем 1295 гектар (58,1 процент) çĕр ха- тĕрленĕ. Хальлĕхе "Нива" ЯХПК кăна кĕракине тухнă, 200 гектар кĕрхи тулă акнă. Ялхуçалăх предприятийĕсемпе хресченпе фермер хуçалăхĕсенче çĕрулми лаптăкĕ пĕтĕмпе 11 гектар йышăнать. Иккĕмĕш çăкăра А.В. Мурайкин фермер хуçалăхĕнче ĕнерхи кун тĕлне виçĕ гектар кăларнă, 21 тонна çĕрулми пухса кĕртнĕ. Тухăç гектар пуçне70 центнерпа танлашнă. Çавăн пекех хуçалăхсем выльăх апачĕ хатĕрлесси пирки те манмаççĕ. Районĕпе 2911 тонна (121,8 процент) утă, 6130 тонна (108,65 процент) сенаж, 4 866 тонна (73,31 процент) силос янтланă. Пĕр условнăй выльăх пуçне 20,20 апат единици хатĕрленĕ.