Кĕрхи уйăхсем çитрĕç, шкулта çĕнĕ вĕренӳ çулĕ хĕрсех пырать. Нумай ашшĕ-амăшĕ çак тапхăрта çакăн пек йывăр ыйтусемпе тĕл пулать: «Мĕншĕн манăн ача вĕренесшӗн мар? Мĕншĕн вăл кĕнекесене уçса та пӑхмасть?» Вĕсем пĕр килте çеç мар, пĕтĕм тĕнчери нумай çемьене пăшăрхантараççĕ.
Ачан вĕренес килменни - вăл яланах «усал» е «кахал» пулнипе çыхăнман. Ку ыйтăва уçăмлатас тесен, малтанах унăн тĕп сăлтавне тупмалла.

Ачан вĕренес килменнин тĕп сăлтавĕсем
1. Вĕренӳ мĕншĕн кирлине ăнланманни. Ача шкулта мĕншĕн вĕреннине пĕлмест. «Пурте çӳреççĕ, эсĕ те çӳре» е «Пĕлӳллĕ пулмалла» тени ăна çителĕксĕр туйăнать. Ăна хăйĕн пурнăçĕпе çыхăнтарса ăнлантарман пулсан, кăсăклăх çухалать.
2. Йăнăш тăвассинчен хăрани тата ашшĕ-амăшĕн ытлашши ыйтăвĕсем. Хăш-пĕр ашшĕ-амăшĕ ачинчен ăслăрах пулма ыйтать, кашни «тăваттă» е «виççĕ» илнишĕн вăрçать. Ача йăнăш тăвассинчен хăрать, унăн стресс пухăнать. Çакăн пек чухне вĕренӳ - савăнăç мар, вăл тиев кăна пулса тăрать.
3. Коллективра е вĕрентекенпе хирĕç лару-тăру пулни. Класри ачасемпе пĕр чĕлхе тупайманни, кулăшлă пулни (буллинг) е вĕрентекенĕн ытлашши хаярлăхĕ ачан шкула каяс кăмăлне пĕтерет. Вăл предметсене мар, шкулти лару-тăрăва кураймасть.

Тĕплĕнрех - "Пирĕн пурнăç" хаçатра.