Апрелĕн 20-мĕшĕнче Чăваш Енре "Вилĕмпе ăçта сутă тунине пĕлтер" акци пуçланнă. Çулсерен наркотика хирĕç иртекен кампанин пĕрремĕш тапхăрĕ майăн 1-мĕшĕччен пырĕ. Унăн тĕллевĕ ансат та ăнланмалла: çынсене хăйсем пурăнакан вырăнта, округра, хулара хăрушсăрлăх çине тỹреммĕн витĕм кỹме май парасси.

Çак кунсенче полици наркотикпа сутă туни, унпа усă курни пирки пĕлтерỹсем йышăнать, информацие тĕрĕслет те оперативлă мерăсем пурнăçлать. Уйрăмах çамрăксем пухăнакан вырăнсене тимлĕх уйăраççĕ, çавăн пекех наркотик хатĕрĕсене интернет урлă сарнине тĕрĕслеççĕ. Унпа пĕрлех наркотикăн саккунсăр çаврăнăшĕ суд сакки çине çитерме пултарни пирки халăхпа ăнлантару ĕçĕсем ирттереççĕ. 102 номерпе шăнкăравласа пĕлтерме пулать. Пĕр шăнкăрав та наркотик сарнин вăчăрине чарма пултарать. Кун пек акцисем çынсем аякран иртмен чухне ĕçлеççĕ. Информаци маларах пулни ют шăпа çинче укçа ĕçлесе илекенсен шанăçне чакарать. Хисеплĕ граждансем, наркотикпа сутă тăвакансем пирки @antidiler21bot чат-ботра анонимлă пĕлтерме пултаратăр.