Иртнĕ çулхи ĕç кăтартăвĕсене пĕтĕмлетнĕ май, округ администрацийĕн пуçлăхĕн хушăвĕпе килĕшỹллĕн, район Хисеп хăми çĕнĕ ятсемпе пуянланчĕ. Хисепе тивĕçнисем хушшинче тĕрлĕ сферăра тăрăшакансем пур: выльăх-чĕрлĕх пăхакан та, пушар хуралĕнче тимлекен те, полици уйрăмĕнче ĕçлекен те, медицина ĕçченĕ те... Вĕсемпе паллашта-ратпăр. Хисепе тивĕçнисем çаксем:

. Хĕрлĕ Чутайри выльăх-чĕрлĕх чирĕ-семпе кĕрешекен станцин водителĕ Виктор Валерьевич Чубайкин;

. Березовкăри аслă ỹсĕмрисене тата инвалидсене стационари пулăшăвĕпе тивĕçтерекен уйрăмĕн поварĕ Тамара Ивановна Майорова;

. Нумай функциллĕ центрăн эксперчĕ Алина Валентиновна Тиханкина;

 . "Коминтерн" ялхуçалăх производство кооперативĕн ĕнесене машинăпа сăвакан операторĕ Юрий Федорович Данилов;

. "ГК "Эстет" тулли мар яваплă обществăн административлă тата хуçалăх ыйтăвĕсене тивĕçтерекен ушкăнĕн ертỹçи Алексей Николаевич Барышников;

. 33-мĕш номерлĕ пушар чаçĕн Кив Атикассинчи уйрăм посчĕн начальникĕ - караул начальникĕ Вадим Валентинович Федоров;

. полици уйрăмĕн дознователь тивĕçĕсене вăхăтлăх пурнăçлаканĕ, кĕçĕн лейтенанчĕ Диана Николаевна Михопарова;

. Хĕрлĕ Чутайри юсавпа эксплуатаци участокĕн аварипе диспетчер службин мастерĕ Александр Георгиевич Алексеев;

 . "Жилсервис" тулли мар яваплă обществăн слесарь-сантехникĕ Дмитрий Николаевич Назаров;

. Райпон Пантьăкри лавкка заведующийĕ Альбина Александровна Падейкина; . район больницин врач-психиатр-наркологăн медицина сестри Ирина Дмитриевна Тинехпейкина;

. Сĕнтĕкçырминчи ял библиотекин тĕп библиотекарĕ Елена Васильевна Самсонова; . "Нива" ялхуçалăх производство кооперативĕн механизаторĕ Евгений Николаевич Новиков;

 . Питĕркасси территори пайĕн тĕп эксперт специалисчĕ Светлана Михайловна Бродюкова;

. Мăн Этмен шкулĕн директорĕн çумĕ Надежда Васильевна Ермакова.

Вĕсем тĕрлĕ сферăра тăрăшаççĕ пулин те, профессире ăсталăхпа палăраççĕ, ыттисемшĕн ырă тĕслĕх пулаççĕ.