Раççей - вăйлă патшалăх, нихăçан та тĕрлĕ хĕтĕртỹсене парăнмасть, яланах хăйĕншĕн тăма, тĕрĕслĕхе хỹтĕлеме пултарать, çав шутрах хамăр çĕршывăн нумай ĕмĕрхи историпе çыхăннине те. Кун пирки граждансен пĕлмелле, çамрăк ăрăва та çак постулатсем çине таянса воспитани памалла.

Конституцири çĕнĕ тỹрлетỹсем хамăр çĕршыв валли Аслă Отечественнăй вăрçăри Çĕнтерĕвĕн пысăк пĕлтерĕшлĕхне, кирлĕлĕхне ĕмĕрлĕхе çирĕплетĕç. Тĕп саккун истори тĕрĕслĕхне упрассине тата хỹтĕлессине тивĕçтерĕ. Çакă пирĕн ачасене, вĕсен ăсĕсене тĕрлĕ çĕршывсенче ку ыйтупа хальхи лару-тăрура сарăлакан информаци пропагандинчен хỹтĕлĕ.

Аслă Çĕнтерỹ 75 çул тултарнă çулта хамăр историе те, çĕршывăн хальхи пĕрпĕтĕмлĕхне те упраса хăварассипе тỹрлетỹсем кĕртни пĕлтерĕшлĕ тесе шутлатăп.

Конституцин пĕр статйине çĕршыв пĕрпĕтĕмлĕхне тата суверенитетне упрасси çинчен тỹрлетỹсем кĕртме сĕнеççĕ. Унпа пĕрле тỹрлетỹсем Раççей тĕнчери йĕркелĕхе тивĕçтерме, патшалăхсен тата халăхсен хăрушсăрлăхĕпе пĕрлехи мирлĕ пурнăçне тытса тăма хутшăннине çирĕплетеççĕ.