"Пилеш" ача сачĕн вăтам ушкăнне çỹрекен ачасен пур ашшĕ-амăшĕ те пире пулăшма тăрăшать. Манăн вара ача сачĕн, вăтам ушкăнăн пурнăçĕпе уйрăмах кăсăкланакан, чунне паракан Оксана Петрова пирки сăвăласа каласа парас килет. Оксана Станиславовнăпа мăшăрĕ икĕ ывăла кун çути парнеленĕ. Асли, Ваня, шкултан вĕренсе тухнă та ĕнтĕ. Кĕçĕнни, Рома, ача садне çỹрет.

Чĕвĕл-чĕвĕл чĕлхипе,

Хăйĕн çепĕç сассипе

Амăшне вăл илĕртет,

Пуласлăх çинчен пуплет:

"Анне тетĕп, итле-ха,

Ỹссе çитсен, çитĕнсен,

Кайăп эпĕ те шкула. Нумай манăн пĕлмелле,

Пысăк çын вĕт пулмалла".

Ывăлĕн шухăш-кăмăлне

Амăш вырăна хурать,

Ырми-канми тăрăшать.

Теттесем вăл ăсталать,

Сăвăсем те вĕрентет.

Амăшĕн ыр кăмăлĕ

Ывăлĕ çине куçать.

Вăтам ушкăн пурнăçĕ

Вĕресе кăна тăрать.

Мĕншĕн тетĕр-и, калам-и?

Ромăн амăшĕ, Оксана,

Пире пулăшса тăрать.

Пур енпе те пит маттур,

Ĕçĕнче те вăл сатур.

Садик пурнăçĕ ăна

Кăсăклантарса тăрать,

Çĕнĕлĕхсем вăл шырать.

Хуравне вара час-час

Интернетра вăл тупать.

Малашнехи пурнăçра

Сире сывлăх сунатпăр.

Пĕрле туслă пурăнма,

Пуласлăхшăн тăрăшма

Эпир хатĕр яланах.

Надежда ГУСЕЛЬЩИКОВА, "Пилеш" ача сачĕн воспитателĕ.