Çĕр пин тĕрре упрас тесе шутлатăп

Асра тытса хам тăвансен ятне.

Чăваш тĕррин эп хăватне çĕклетĕп

Упрас тесе хам асанне ятне.

Тĕрĕ кашни чăваш хĕрĕн пурнăçĕнче тĕп вырăн йышăнмалла. Илемлĕ тĕрĕпе капăрлатнă кĕпе тăхăнсан эпир хамăра аван туят-пăр. Чăваш тĕррине упраса хăварас тесе чăваш хĕрĕсем тăрăшмасан тата кам тăрăштăр. Шăпах çак тĕллевсене тĕпе хурса пурăнать пирĕн çемье те. Манăн анне, Ольга Владимировна Морозова, Шупашкар хулине чăваш тĕрĕçисен курсне кайса кашни çĕвве, эреше вĕренсе килчĕ. Хăй вĕреннине пире те вĕрентме пултарчĕ, мĕншĕн тесен ăна пирĕнех сыхласа хăвармалла-çке. Тĕрĕ тума пысăк чăтăмлăх, тăрăшулăх кирлĕ. Ку ĕçе мана çеç мар, сакăр çулхи йăмăка та вĕрентме тăрăшрĕ. Чи малтанах чăваш тĕррин симметрине, хитрелĕхне курас тесе эпир тăваткал тетрадь çинче тума вĕрентĕмĕр. Ăна тĕрлĕ тĕссемпе сăрларăмăр. Шурă пир çине кăранташпа ỹкертĕмĕр, кайран алла йĕп тытса тĕрлесе тухрăмăр. Эпир те анне хыççăн туса пăхма шутларăмăр. Хамăра килĕшрĕ, хакне эсир пама пултаратăр.

Мирослава ЛОГИНОВА, Мăн Этмен шкулĕ, 5-мĕш класс.