Çак ятпа июнĕн 1-мĕшĕнче - Ачасене хỹтĕ-лемелли пĕтĕм тĕнчери кун - ыркăмăллăх акцийĕ старт илчĕ. Вăл «Ачалăх ячĕпе, ачалăхшăн» ыркăмăллăх акцийĕн тĕп пайĕ шутланать. Пархатарлă ĕçе ЧР Вĕренỹ тата çамрăксен политикин министерстви, «Чăваш Ен хĕрарăмĕсен Союзĕ» обществăлла организаци тата Раççей ача-пăча фончĕн регион уйрăмĕ йĕркелеççĕ.

Ыркăмăллăх акцине регионта пурăнакансем, предприяти-организаци, обществăпа политика пĕрлешĕвĕсем, депутатсем, волонтер отрячĕсем хутшăнма пултараççĕ. Акцире пуçтарăннă укçа-тенкĕ ача-пăча тата шкул библиотекисен фондне патриотизма çутатакан кĕнекесемпе пуянлатма, театр, музыка, пултарулăх кружокĕсем валли костюмсем тата музыка инструменчĕсем туянма, вĕренỹ учрежденийĕсен территорийĕсене хăтлăх кĕртме, спорт тата вăйă площадкисем тума кайĕ.

Пухăннă укçа-тенкĕпе пирĕн муниципаллă округра Ачасен искусство шкулĕн территорине хăтлăх кỹме, «Скрипач» топиарий кỹлепине вырнаçтарма палăртаççĕ. Акцие хутшăнăр! Укçа хывас тесен çак QR-кодпа усă курмалла.