Иртнĕ çулхи ĕç кăтартăвĕсене пĕтĕмлетнĕ май районти Хисеп хăмине çĕнетнĕ. Ун çинче - тĕрлĕ сферăра тăрăшакан 15 çын сăнĕ. Хисепе тивĕçнисем хушшинче ачасемпе ĕçлекен те, выльăх пăхакан та, культура е сывлăх сыхлавĕнче тимлекен те пур. Вĕсем пурте хăйсен ĕçĕпе ырă тĕслĕх кăтартаççĕ, район пурнăçне лайăхлатма тăрăшаççĕ.

Хисепе тивĕçнисем шутĕнче: Хĕрлĕ Чутайри газ участокĕн слесарĕ Евгений Иванов, районти 33-мĕш номерлĕ пушар чаçĕн начальник çумĕ Сергей Элеменкин, "Жилсервис" ТЯО слесарь-сантехникĕ Владимир Данилов, Атнарти ваттисене тата инвалидсене стационарлă пулăшу паракан уйрăм заведующийĕ Елена Степанова, "Питание" ТЯО поварĕ Розалия Ульянва, Хурашашри ветеринари участокĕн врачĕ Елена Бородашкина, "Коминтерн" ЯХПК-ра дояркăра тăрă-шакан Галина Сергеева, хресченпе фермер хуçалăхĕн ертỹçи Виктор Устинов, Штанашри Культура çурчĕн заведующийĕ Николай Майоров, Хĕрлĕ Чутайри почта уйрăмĕн 1 класлă почтальонĕ Альбина Митрофанова, район администрацийĕн физкультура, спорт тата çамрăксен политикин секторĕн заведующийĕ Алексей Никитин, Хĕрлĕ Чутай ял тăрăхĕн тĕрлĕ ĕç рабочийĕ Сергей Чернигов, район больницинче кадр енĕпе специалистра вăй хуракан Галина Богатнаева, Хĕрлĕ Чутайри вăтам шкулăн вырăс чĕлхипе литература учителĕ Валентина Кудряшова, районти полици уйрăмĕн дознавателĕ Людмила Албакова.

Ĕçчен те пултаруллă çынсем ыттисене те тăрăшарах ĕçлеме хавхалантарса пыраççĕ.

А.ВАСЮКОВА.