- Больницăра чылай хушă сипленнине пула çынна ĕçрен кăларма пултараççĕ-и?

Д.САВИНКИНА, район прокурорĕн пулăшуçи:

- Ĕçчене сывлăхне кура икĕ сăлтава пула ĕçрен кăларма пулать:

- енчен те вăл урăх ĕçе куçма килĕшмесен (медицина заключенийĕпе килĕшỹллĕн унта ĕçлеме юрамасть-тăк е ĕçпе тивĕçтерекенĕн тивĕçлĕ ĕç пулмасан);

- енчен те вăл медицина заключенийĕпе пач та ĕçлеме пултараймасть пулсан.

Ĕçпе тивĕçтерекенĕн медицина заключенийĕпе урăх ĕçе куçма нуша пур сотрудника ун килĕшĕвĕпе (çырни пулмалла) ĕçпе тивĕçтермелле. Урăх ĕçе куçса ĕçлемелли вăхăт тăватă уйăх таран тăсăлсан е ăна валли ĕç вырăнĕ пулмасан ĕçпе тивĕçтерекен çынна ĕçрен хăтарать, анчах ун должноçĕ сыхланса юлать. Енчен те медицина заключени- йĕнче ĕçчене тăватă уйăхран ытларах тапхăра е яланлăхах урăх ĕçе куçарма нуша пуррине кăтартнă пулсан, вăл çакăнпа килĕшмесен е ĕçпе тивĕçтерекенĕн кирлĕ ĕç пулмасан РФ Ĕç кодексĕн 77 статйин 1-мĕш пайĕн 8-мĕш пункчĕпе ĕç килĕшĕвĕ татăлать.

Гражданин инвалид пулнине йышăнакан йĕркене РФ Правительствин 2006 çулхи февралĕн 2-мĕшĕнчи 95 номерлĕ "Çын инвалид пулнине йышăнакан йĕркепе условисем пирки" постановленире палăртнă. Çавăн пекех ăна производствăра инкек тỹснине тата професси чирĕсене пула ĕçлеме пултараслăх пĕтнин степеньне палăртакан правилăсенче çирĕплетнĕ.