Кашни çыннăн килте кунсерен сахал мар каяш пухăнса пырать. Ăçта каять-ши çак çỹп-çап? Шел пулин те, пăрахăçа тухнă çак япаласене çунтармаççĕ, утилизаци тăвакансене те парса ямаççĕ. Чылайăшĕ пухăннă ăпăр-тапăра ял урамĕ хыçĕнче, çырмара тунă çỹп-çап куписене пăрахса хăварать. Вĕсем пысăках мар, анчах та йышлă. Çапла майпа çын хăй тата ачисем пурăнакан вырăнти çутçанталăка варалать. Мĕн тумалла-ши? Ман шутпа, çак ыйтăвăн хуравĕ çиелтех выртать. Пирĕн çутçанталăка упракан, тасалăхшăн тăрăшма хавхалан-таракан программăсене хутшăнмалла, çынсене тасалăха юратакансен культурине ăша хывма хăнăхтармалла. Акă, Атнар ял тăрăхĕнче темиçе çул каялла "Чистое село" акци иртнĕччĕ, вăл хăйĕн уссине палăрмаллах кăтартрĕ. Кун пек акцие пĕр ял тăрăхĕнче кăна мар, районĕпех ирттермелле тесе шухăшлатăп. Калас сăмахăма пĕтĕмлетсе ял-ти çынсене çутçанталăка упрама хăнăхтармалла тесшĕн. Тасалăха упрама çăмăлрах пултăр тесе майсем туса памалла.

Диана ИОНОВА, Трапай.