Патшалăх дактилоскопи регистрацине ирĕклĕ йĕркепе ирттермелли заявление гражданин пурăннă вырăнти полици уйрăмне тăратмалла.

Илнĕ даннăйсене - граждансен пỹрнисен йĕрĕсене - Чăваш Республикин Шалти ĕçсен министерствин Информаци центрне ярса параççĕ, унпа çын кам пулнине тупса палăртас тĕллевпе усă кураççĕ.

Ирĕклĕ патшалăх дактилоскопи регистрацине уйрăмах астăвăм енчен аптăракан çынсене тума сĕнетпĕр. Çын сывлăхне тата ỹсĕмне пула хăйĕн пирки нимĕнле сведени парайманни тăтăшах тĕл пулать. Кун пек тĕслĕхсем ытларах чухне ватăсемпе çыхăннă. Шăпах çавăн пек лару-тăрура дактилоскопи туни пулăшать. Тăванĕсене çухалса кайсан тупма та самай çăмăл. Çак меслетпе илнĕ сведенисем хупă шутланаççĕ, вĕсене Раççей Федерацийĕн саккунĕ-пе килĕшỹллĕн илме пулать.

Ирĕклĕ йĕркепе илнĕ дактилоскопи нимĕнле майпа та граждансен е вĕсен иждивенийĕнчи ĕçлеме пултарайман çынсен прависене тата саккун интересĕсене хĕсмест. Вăл вĕсен прависене хỹтĕлет. Кирек мĕнле патшалăх та даннăйсен банкне йĕркелесе çынсен пурнăçĕпе сывлăхне тимлĕх уйăрать. Дактилоскопи регистрацине заявлени çырнă кунах тăваççĕ.

Ирĕклĕ йĕркепе дактилоскопи регистрацийĕ витĕр тухас текенсене районти полици уйрăмне чĕнетпĕр. Вăл çак адреспа вырнаçнă: Хĕрлĕ Чутай сали, Çĕнĕ урам, 8-мĕш çурт, 6-7-мĕш пỹлĕмсем. Çумра паспорт пулмалла.

Е.ШОРНИКОВА, районти полици уйрăмĕн миграци пункчĕн тĕп эксперт специалисчĕ.