Районти хуçалăхсем августăн 20-мĕшĕ тĕлне 1674 гектар çинчен пĕрчĕллĕ тата пăрçа йышши культурăсене пуçтарса тĕшĕленĕ, вăл шутра 1594 гектар тулă, 41 гектар урпа. 4146 тонна тĕшĕлесе илнĕ. Уй-хирте тăватă комбайн ĕçлет. Пĕр хир карапĕ кунне вăтамран 17,5 гектар вырать.

"Коминтерн" ЯХПК-ра пĕрчĕллĕ тата пăрçа йышши культурăсене 620 гектар, "Нивăра" 410 гектар, "Свобода" колхозра 153 гектар, "Победăра" 70 гектар, "Серебрянные ключи" хуçалăхра 210 гектар, "СТК 21" обществăра 50 гектар, "Заготовки" ТЯО-ра 23 гектар, Ю.Тибогайкин хресченпе фермер хуçалăхĕнче 40 гектар, Н.Кряжинпа Д.Кузнецов фермерсем 8 тата 78 гектар, В.Никитин уйрăм предприниматель 12 гектар çинчен пухса кĕртнĕ.

"Коминтерн" 1630 тонна тырă тĕшĕленĕ, "Нива" - 1100 тонна, "Свобода" - 390 тонна, "Победа" - 150 тонна, "Серебрянные ключи" - 470 тонна, "СТК 21" - 110 тонна, "Заготовки" - 47,5 тонна, Н.Кряжин - 23 тонна, Д.Кузнецов - 190 тонна, В.Никитин - 35 тонна.

Çав хушăрах районти хуçалăхсем кĕрхи культурăсене акма çĕр хатĕрлеççĕ, 1212 гектар çĕре хуратнă ĕнтĕ. Нумай çул ỹсекен курăксене 4077 гектар çинчен çулса илнĕ, пĕр çул ỹсекеннисене - 602 гектар çинчен. Асăннă тапхăрта хуçалăхсем 3708 тонна утă хатĕрленĕ, 8754 тонна сенаж хывнă.

А.ВАСЮКОВА.