Çитес эрнере, августăн 28-мĕшĕнче, районти педагогсем йăлана кĕнĕ августри конференцие хутшăнĕç. Унччен маларах, августăн 20-мĕшĕнче, Шупашкарта республикăри педагогсен конференцийĕ иртрĕ. Унта пирĕн район делегацийĕ те хутшăнчĕ.

Педагогсене, паллах, иртнĕ çулхи вĕренỹ çулне пĕтĕмлетме пухатпăр. Конференци икĕ тапхăрпа Хĕрлĕ Чутай шкулĕнче пулать. Мероприятипе килĕшỹллĕн, тĕрлĕ секцисем ĕçлĕç, çавăн пекех пленарлă лару иртĕ.

Конференцире чи малтанах ачасене пĕлỹпе воспитани парас ĕçре курăмлă ĕçлесе пыракан педагогсене патшалăх тата ведомство наградисемпе чыслама палăртрăмăр. Çавăн пекех республика шайĕнчи конкурссенче çĕнтернĕ тата призерсен йышне кĕнĕ пултаруллă вĕрентекенсене дипломсемпе сви-детельствăсем парса чыслăпăр.

Унсăр пуçне çамрăк специалистсене саламлăпăр. Кăçал районти вĕренỹ учрежденийĕсенче тата тăватă çамрăк ĕçлĕ. Сентябрĕн 1-мĕшĕнчен Хĕрлĕ Чутай шкулĕнче вырăс чĕлхипе литературин учителĕ ĕçе пуçăнĕ, Çĕн Атикасси шкулĕнче - ИЗО тата технологи учителĕ, Атнар тата Шулю шкулĕсенче - историпе обществознани учителĕсем.

Игорь ЖИВОЕВ, район администрацийĕн пуçлăхĕн çумĕ - вĕренỹ пайĕн начальникĕ.