Пушарсем кỹрекен тăкак, чăн та, пысăк. Уйрăмах вут-çулăм çуртри тата мунчари тимĕр кăмакасен юсав-сăрлăхне тата вĕсемпе тĕрĕс мар усă курнине пула тăтăшах алхасать.

Хутса ăшăтмалли тапхăр пуçланчĕ тесен те юрать. Апла пулсан çынсен тимлĕхе ỹстермелле, кăмакасемпе усă куриччен вĕсен юсавлăхне тепĕр хутчен тĕрĕслемелле.

Хисеплĕ район çыннисем, кăмакасемпе усă курнă чух пушар хăрушсăрлăх правилисене пă-хăнмаллине тепĕр хутчен аса илтеретпĕр:

- кăмакасемпе хутса ăшăтмалли ытти хатĕрсене хăвăрт хыпса илме пултаракан конструкцисенчен аяккарах вырнаçтармалла, кăмака умĕнче тимĕр листи е çунман япаларан тунă хатĕр вырнаçтармалла;

- хутмалли тапхăр пуçланиччен кăмакасемпе хутса ăшăтмалли хатĕрсене тĕрĕслемелле, юсамалла, юсавсăррисемпе усă курмалла мар;

- тĕтĕм пăрăхĕсене хутмалли тапхăр умĕн тата икĕ уйăхра сахалтан та пĕр хутчен тасатмалла, тăтăшах хутнă чухне - кашни уйăхра;

- чартак çинчи тĕтĕм пăрăхĕсене тата стенасене шуратмалла;

- кăмакаран кăларнă кĕлпе шлака ятарласа уйăрнă вырăна хумалла, шывпа сапмалла;

- кăмака çумне çунма пултаракан материалсем (вут-шанкă) хума юрамасть; - кăмакана ытлашши хĕртсе яма кирлĕ мар;

- вут илтернĕ чухне бензинпа, краççынпа, дизель топливипе тата хăвăрт хĕмленекен ытти шĕвексемпе усă курма юрамасть;

- хутса янă кăмакана тимлĕхсĕр хăварма юрамасть, çак ĕçе ачасене шанма кирлĕ мар.

Пушар хăрушсăрлăх правилисене пăхăнăр! Ан манăр: пушара сỹнтериччен асăрхаттарма çăмăлрах.

Алексей ЯРАБАЕВ, районти пушар асăрхав пайĕн аслă инспекторĕ.