Районта пурăнакан федераци çăмăллăхçисен 7 проценчĕ çитес çулта социаллă пулăшу пуххи (соцпакет) вырăнне укçа тỹлевне илсе тăрĕ.

Пирĕн районта хальхи вăхăтра федерацин 1518 çăмăллăхçи пурăнать, вĕсенчен чылайăшĕ - инвалид. Вĕсен шутне çавăн пекех Тăван çĕршывăн Аслă вăрçине хутшăннă çынсем, çар ĕçĕсен ветеранĕсем, вĕсен тăлăх арăмĕсем, радиаци катастрофине пĕтермешкĕн хутшăннисем тата граждансен ытти категорийĕ кĕрет.

Октябрь уйăхĕн 1-мĕшĕ тĕлне вĕсем соцпакета пĕтĕмпех е унăн уйрăм пайне хирĕçлени пирки район çыннисенчен 100 заявлени йышăннă, тỹлевсĕр эмел тата социаллă пулăшу кирлине пĕлтернине 4-ăн ыйтса çырнă. Чылай заявление Пенси фондне интернет çыхăнăвĕ тата МФЦ урлă янă.

Социаллă пулăшу пуххи виçĕ пайран - эмел, санаторипе курорт сиплевĕ тата транспорт - тăрать. Соцпакетпа туллин е уйрăм пайĕпе усă курма юрать. Унăн уйăхри хакĕ хальхи вăхăтра 1075,19 тенкĕпе танлашать: çав шутра эмел пайĕ (врач рецепчĕпе тỹлевсĕр препаратсем) - 828,14, санаторипе курорт пайĕ (врач сĕннипе санатори путевки) - 128,11, транспорт пайĕ (хула çум пуйăсĕпе тỹлевсĕр çỹресси тата сиплев вырăнне кайса килесси) - 118,94 тенкĕ.