Объявления

ВНИМАНИЮ РЕКЛАМОДАТЕЛЕЙ!

Все объявления и реклама дублируются

в группах райгазеты в социальных сетях "Одноклассники" и "ВКонтакте".

 

 

tehnika3 

Магазин "ТЕХНИКА"

город Ядрин, ул. 50 лет Октября.

 

Тел.: 8 800 234 78 08

8 905 346 78 08

 

 

 

 

 

Мининформполитики Чувашии

Дорогие друзья! Мы принимаем объявления на сайт!

Подробности по телефону: 8(83551)2-15-66, 8(905) 341-06-62.E-mail: krchpress@chtts.ru , smi06@cap.ru  

"Ĕмĕтпе мал енне талпăнатăп..."

Категория: Общество Опубликовано: 11.01.2019 09:36 Просмотров: 67

Çак сăмахсем - Мăн Этмен ялĕнче пурăнакан Александр Петрович Трофимовăн сăввинчен. Унăн ятне вулакансем райхаçат страницисенче тăтăшах тĕл пулаççĕ, вăл - пирĕн обществăлла корреспондент, поэт, прозаик, публицист, куçаруçă, 16 кĕнеке авторĕ.

Александр Трофимов Турхан ялĕнче 1939 çулхи январĕн 10-мĕшĕнче çуралнă, литература ĕçне çамрăклах тытăннă. Вăл - Чăваш писателĕсен пĕрлешĕвĕн членĕ, статьясем, очерксем, сăвăсемпе поэмăсем чăвашла тата вырăсла çырать, вырăс поэчĕсен сăввисене чăвашла куçарать.

2018 çулта Александр Петровичăн икĕ çĕнĕ кĕнеки кун çути курнă: "Шухăшăм-çунатăм" (сăвăсен пуххи) тата хăйĕн 80 çулхи юбилейне халалланă "Утăм" сăвăлла романĕ.

Александр Трофимов хăйĕн пурнăçне литературăна кăна мар, ачасене вĕрентес ĕçе те халалланă. Вăл тĕрлĕ çулсенче учитель, класс тулашĕнчи ĕçсен йĕркелỹçи, директорăн вĕренỹ енĕпе ĕçлекен çумĕ, директор пулнă, пилĕк çул хушши районти вĕренỹ пайне ертсе пынă, унтан каллех шкулта ĕçленĕ.

Александр Петровичпа мăшăрĕ, Вера Федоровна, пилĕк ача çуратса çитĕнтернĕ, ура çине тăратнă, пурне те аслă пĕлỹ панă. Халĕ Трофимовсем ачисемпе мăнукĕсен çитĕнĕвĕсемшĕн савăнса пурăнаççĕ. 50 çул ытла пурнăç çулĕпе пĕрле утакан мăшăр ачисене тивĕçлĕ воспитани панăшăн, çемье йăлисене çирĕплетнĕшĕн "Юратупа шанчăклăхшăн" медале те тивĕçнĕ.

Вулакансене Александр Петрович Трофимовăн 2018 çулхи октябрь уйăхĕнче çырнă сăввипе паллаштаратпăр.

Хирĕç мар

Пурăнмашкăн çĕр çул та эп хатĕр,

Икçĕр çул тапăçма хирĕç мар.

Ырлăх-сывлăх кăна ан хавшатăр,

Савнă мăшăр пулсан юнашар.

 

Çĕнĕ кун илемне кăмăллатăп,

Ытамлатăп тĕнче уçлăхне.

Ĕмĕтпе мал енне талпăнатăп,

Эп мухтатăп этем ăс-тăнне.

 

Ятлă-сумлă Раççей пархатарĕ

Шанăç патăр пулмашкăн пĕрле.

Пур инкек-синкекрен вăл хăтарĕ

Чăваш ен халăхне те, пире.

 

Пурăнмашкăн çĕр çул та эп хатĕр,

Икçĕр çул тапăçма хирĕç мар.

Ирсерен тухса хĕвел хĕмлентĕр,

Вăрçă терчĕ пире кирлĕ мар. 

Добавить комментарий

Архив материалов

Март 2019
Пн Вт Ср Чт Пт Сб Вс
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Яндекс. Новости