Объявления

 

ВНИМАНИЮ РЕКЛАМОДАТЕЛЕЙ!

Все объявления и реклама дублируются

в группах райгазеты в социальных сетях "Одноклассники", "ВКонтакте", "Телеграм". 

 

 

metall-ViD

МеталлВиД, село Красные Четаи.

 

 obgpn

 

 

  

 

  

 

Деятельность территориальных отделов муниципального округа

Минцифры Чувашии

Мы в Телеграм

Дорогие друзья! Мы принимаем объявления на сайт!

Подробности по телефону: 8(83551)2-11-67, 8 (905) 341-06-62.E-mail: krchpress@chtts.ru , smi06@cap.ru  

Чи лайăххисем паллă

Категория: Общество Опубликовано: 05.04.2019, 10:29 Просмотров: 451

Йăлана кĕнĕ тăрăх районта çулсерен професси ăсталăхĕн "Çулталăк воспитателĕ", "Çулталăк учителĕ", "Чи лайăх класс ертỹçи", "Чи лайăх социаллă педагог", "Чи лайăх педагог-психолог" конкурссене ирттереççĕ. Кăçал асăннă конкурссен районти тапхăрне 5 воспитатель, 9 класс ертỹçи, 6 учитель, 3 социаллă педагог, 3 педагог-психолог хутшăннă.

Мартăн 28-мĕшĕнче Хĕрлĕ Чутайри вăтам шкулта ачасене ырри патне туртăнма вĕрентекенсене, вĕсене чун ăшшине парнелесе пĕлỹпе воспитани паракансене чысларĕç. Педагогика ăсталăхĕн конкурсĕнче палăрнисене район администрацийĕн пуçлăхĕ Александр Башкиров, райадминистраци пуçлăхĕн çумĕ - вĕренỹ пайĕн начальникĕ Игорь Живоев саламларĕç.

"Çулталăк учителĕ-2019" хисеплĕ ята Хĕрлĕ Чутай шкулĕнче пуçламăш классене вĕрентекен Людмила Львовна Герасимова тивĕçрĕ. Иккĕмĕш вырăна Атнар шкулĕнче ют çĕршыв чĕлхисене вĕрентекен Нина Александровна Зайцева тухрĕ, виççĕмĕшне - Питĕркасси шкулĕнче пуçламăш классене вĕрентекен Лариса Александровна Абакумова.

Шкул çулне çитменнисемпе ĕçлекен педагогсен конкурсĕнче "Çулталăк воспитателĕ-2019" хисеплĕ ята "Хĕвел" ача сачĕн учитель-логопечĕ Наталья Александровна Шорникова тивĕçрĕ. Иккĕмĕш вырăнта - "Пилеш" ача сачĕн воспитателĕ Ирина Михайловна Романова, виççĕмĕшĕнче - "Пилеш" ача сачĕн воспитателĕ Елена Ивановна Краснова.

"Чи лайăх класс ертỹçи-2019" конкурсра кăçал çĕнтерỹçĕсене икĕ номинаципе палăртнă: "25 çултан аслăрах класс ертỹçи" номинацире Хĕрлĕ Чутай шкулĕн 10 Б класс ертỹçи Алина Геннадьевна Магаськина çĕнтерчĕ, "25 çул тултарман класс ертỹçи" номинацире - Атнар шкулĕн 6-мĕш класс ертỹçи Татьяна Владимировна Туйманкина. Иккĕмĕш вырăна Мăн Этмен шкулĕн 6-мĕш класс ертỹçи Николай Михайлович Фадеев тухрĕ, виççĕмĕшне - Çĕн Атикасси шкулĕн 2-мĕш класс ертỹçи Ираида Валерьевна Смирнова.

"Социаллă педагог-2019" ята Хĕрлĕ Чутай шкулĕн педагогĕ Галина Алексеевна Бровкина тивĕçрĕ. Иккĕмĕш вырăнта - Мăн Этмен шкулĕн социаллă педагогĕ Римма Николаевна Трифонова, виççĕмĕшĕнче - Çĕн Атикасси шкулĕн педагогĕ Алевтина Степановна Алексеева. "Педагог-психолог-2019" ята Хĕрлĕ Чутай шкулĕн педагог-психологĕ Светлана Александровна Данилова тивĕçрĕ, иккĕмĕш вырăнта - "Хĕвел" ача сачĕн педагог-психологĕ Наталья Валентиновна Мессер, виççĕмĕшĕнче - "Пилеш" ача сачĕн педагог-психологĕ Надежда Геннадьевна Печникова.

Район шайĕнче палăрнă педагогсем грамотăсемпе парнесене тивĕçрĕç, вĕсене шкул ачисемпе ĕçтешĕсем хăйсен ташши-юррипе савăнтарчĕç. Професси ăсталăхĕн конкурсĕсен муниципаллă тапхăрĕнче çĕнтернĕ педагогсем çитес вăхăтра республика шайĕнчи конкурссене хутшăнса район чысне хỹтĕлĕç.

А.КАРПОВА. 

Добавить комментарий

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31