Майăн 15-мĕшĕнчи Пĕрлехи информаци кунне ирттерме пирĕн района Шупашкартан информушкăн килсе çитрĕ, унăн йышĕнче ЧР Патшалăх Канашĕн депутачĕ Валерий Павлов, ЧР цифра аталанăвĕпе информаци политикин тата массăллă коммуникацисен министрĕн çумĕ Юлия Стройкова, ЧР культура министрĕн çумĕ Елена Чернова, ЧР юстици министрĕн çумĕ Дмитрий Неяскин пулчĕ.

Вĕсем темиçе ушкăна пайланса ял тăрăхĕсене çитрĕç, халăхпа тĕл пулса информкун темисене - ачасен çуллахи канăвне йĕркелесси, çурхи ака ĕçĕсем, çуркуннехи-çуллахи вăхăтри пушар хăрушсăрлăхĕ, ЧР Министрсен Кабинечĕн 2018 çулхи ĕç пĕтĕмлетĕвĕсем - сỹтсе яврĕç.

ЧР Патшалăх Канашĕн депутачĕ Валерий Павлов тата район пуçлăхĕ Александр Степанов ертсе пыракан ушкăн Кив Атикасси ял тăрăхĕнче пулчĕ, район администрацийĕн пуçлăхĕ Александр Башкиров ертсе пыракан ушкăн - Ачкасси ял тăрăхĕнче.

ЧР цифра аталанăвĕпе информаци политикин тата массăллă коммуникацисен министрĕн çумĕ Юлия Стройкова, ЧР культура министрĕн çумĕ Елена Чернова ертсе пыракан ушкăн вара чи малтанах Атнар ял тăрăхĕнче пулчĕ, Атнарти вăтам шкул коллективĕпе тĕл пулса калаçрĕ. Шорово тата Сорăм ялĕсене çитсе халăхпа калаçнă май кунта çỹп-çаппа çыхăннă ыйтусене сỹтсе яврĕç. Тралькасси ял тăрăхĕнче пулнă май асăннă информушкăн Тралькассинчи Культура çуртĕнче тата библиотекăра пулчĕ, кунта чылай çитменлĕх тупса палăртрĕ. Çавăн пекех информушкăн Хăмарккари лару-тăрупа паллашрĕ.

Пĕрлехи информаци кунне райадминистрацин ларусем ирттермелли Пĕчĕк залĕнче пĕтĕмлетрĕç.

А.ОРИНОВА.