Иртнĕ çулхи ĕç кăтартăвĕсене пĕтĕмлетнĕ май районăн Хисеп хăмине çĕнетнĕ. Ун çинче - тĕрлĕ сферăра тăрăшакан 15 çын сăнĕ.

Хисепе тивĕçнисем хушшинче ачасемпе ĕçлекен те, выльăх пăхакан та, культура тытăмĕнче е сывлăх сыхлавĕнче тимлекен те пур. Вĕсем пурте хăйсен ĕçĕпе ырă тĕслĕх кăтартаççĕ, район пурнăçне лайăхлатма тăрăшаççĕ.

Хисепе тивĕçнисем шутĕнче: "Коминтерн" ЯХПК тĕп агрономĕ Николай Дориянович Воронов, Мăн Этмен шкулĕнче чăваш чĕлхипе литература вĕрентекен Татьяна Васильевна Горбунова, Кив Атикассинчи Культура çурчĕн заведующийĕ Николай Васильевич Данилов, Пенси фончĕн районти клиент службин тĕп эксперт специалисчĕ Наталия Георгиевна Кабардаева, Сĕнтĕкçырминчи пĕтĕмĕшле тухтăр практикин уйрăмĕн медицина сестри Надежда Анатольевна Лобова, райадминистрацин право ĕçĕсен секторĕн тĕп эксперт специалисчĕ Алексей Леонидович Матюшкин, районти выльăх чирĕсемпе кĕрешекен станцин тĕп бухгалтерĕ Нина Гурьевна Меркулова, "Жилсервис" ТЯО дворникĕ Ольга Геннадьевна Митина, Хĕрлĕ Чутайри газ участокĕн мастерĕ Федор Анатольевич Михеев, 33-мĕш номерлĕ пушар чаçĕн караул начальникĕ Федор Владимирович Михеев, районти полици уйрăмĕн аслă следователĕ Роза Петровна Пудова, райпон тĕп бухгалтерĕн çумĕ Ольга Михайловна Самышкина, Штанаш салин почтальонĕ Зинаида Георгиевна Сидорова, "Нива" ЯХПК директорĕн выльăх-чĕрлĕх продукцине туса илес енĕпе тимлекен çумĕ Сергей Владимирович Чернов, халăха социаллă пулăшупа тивĕçтерекен центрăн граждансене килте социаллă пулăшупа тивĕçтерекен уйрăм заведующийĕ Раиса Алексеевна Шехрейкина.

Ĕçчен те пултаруллă çынсем ыттисене те тăрăшарах ĕçлеме хавхалантарса пыраççĕ.

А.Карпова.