Район прокуратуринче право хуралĕн органĕсен ертỹçисен анлă канаш-лăвĕ иртнĕ. Унта тавралăх хутлăхĕн сферинче тата çутçанталăкпа усă курнă чухне тунă преступленисене тупса палăртас тата вĕсене сирес ыйтусене пăхса тухнă.

Район прокурорĕ А.Петров пухăннисене асăннă сферăри саккунăн çĕнĕлĕхĕсемпе паллаштарнă. Полици уйрăмĕн начальникĕ, Етĕрне лесничествин "Вăрман хуралĕ" учрежденин тата ытти органсен представителĕсем хăйсен ĕçĕ-хĕлĕ пирки каласа панă. Район прокурорĕ право хуралĕн органĕсен ертỹçисене экологи сферинче преступленисемпе кĕрешес ĕçре тухăçлăха ỹстерме тăтăшах мероприятисем ирттерме хушнă. Тĕрĕслевсем саккунсăр майпа вăрман каснă, чĕрчунсем, вăлча сапнă вăхăтра пулă тытнă, асăннă сферăра саккуна пăснă тĕслĕхсене тупса палăртма пулăшмалла.

Мероприятисене пурнăçланине прокуратура тĕрĕслесех тăрĕ. Çутçанталăк сыхлавĕн саккунне пăснă тĕслĕхсем пирки информаци пулсан район прокуратурине шăнкăравласа пĕлтермелле: 8 (83551) 2-13-33.