Ноябрĕн 14-мĕшĕнче республика Пуçлăхĕ Михаил Игнатьев Правительство Çуртĕнче журналистсемпе тĕл пулчĕ. Калаçăва массăллă информаци хатĕрĕсен 35 ытла представителĕ хутшăнчĕ.

Çав кунах Михаил Васильевич Наци телевиденийĕпе "Тỹрĕ эфира" та хутшăнчĕ, республикăра пурăнакансене пăшăрхантаракан тĕрлĕ ыйтăва уçăмлатрĕ. Сăмах май, иртнĕ уйăхра та регион ертỹçи республика çыннисен чылай ыйтăвне "Наци радиовĕ" тата "Тăван радио" эфирĕсенче хуравланăччĕ.

Ĕнер Михаил Игнатьев чи малтанах регионăн кăçалхи 10 уйăхри социаллă пурнăçĕпе экономика аталанăвĕн пĕтĕмлетĕвĕсемпе паллаштарчĕ. Унтан регион ертỹçи журналистсен ыйтăвĕсене хуравларĕ. "Чăвашкредитпромбанкпа" çыхăннă ыйту чылай пулчĕ. Тĕлпулура çавăн пекех медицина ĕçченĕсем çитменни, библиотекăсен ĕç-хĕлĕ, нумай ачаллă çемьесем пирки сăмах пычĕ. Пурĕ Михаил Васильевич журналистсен 20 ытла ыйтăвне хуравларĕ.

Ĕнерех 13 сехетре Наци телевиденийĕпе Чăваш Республикин Пуçлăхĕпе "тỹрĕ эфир" пулчĕ.

Михаил Игнатьев журналистсемпе тĕл пулни тата "тỹрĕ эфир" ирттерни пирки тĕплĕнрех хаçатăн çитес номерĕнче паллаштарăпăр.

А.ОРИНОВА.