Юлашки кунсенче телекуравпа тата ытти массăллă информаци хатĕрĕсенче коронавирус инфекцийĕ сарăлни пирки тăтăшах калаçаççĕ. Унран хỹтĕленес тата асăрханас тĕллевпе халăх йышлă пухăнакан вы-рăнсенче пулассинчен пăрăнмалла.

Коронавирус инфекцийĕнчен сыхланмалли профилактика мерисем çинче тĕплĕнрех чарăнса тăрар-ха:

- алăсене тăтăшах супăньпе е спиртлă антисептик хатĕрĕсемпе лайăх çумалла, тасатмалла;

- ỹсĕрнĕ тата сунасланă чухне сăмсапа тутана алăпа е салфеткăпа тытмалла, усă курнă салфеткăна тỹрех пăрахмалла, алăсене çумалла;

- сывлав органĕсене хỹтĕлес тесе е респираторлă инфекци паллисем палăрсанах медицина маскипе усă курмалла;

- температурăллă тата ỹсĕрекен çынсемпе хутшăнассинчен пăрăнмалла;

- выльăхран илнĕ чĕрĕ продукцие е унран хатĕрленĕ, лайăх пиçсе çитмен апата çиме асăрханăр, чĕрĕ ашпа, сĕтпе е ытти продукципе тимлĕ пулăр;

- ют тата коронавирус инфекцийĕ сарăлнă çĕршывсене кайма тăхтăр;

- енчен те сирĕн температура, ỹслĕк пур-тăк, сывлама йывăр пулсан, медицина пулăшăвĕ ыйтăр, медицина ĕçченĕсене хăвăр юлашки вăхăтра ăçта-ăçта пулнине пĕлтерĕр.

Асăннă профилактика мерисене çирĕп пăхăнсан ку вирусран хỹтĕленме пултарăпăр.

Е.МАТВЕЕВА, райбольницăн педиатрĕ.