Апрелĕн 8-мĕшĕнче Раççей Президенчĕ Владимир Путин регионсен ертỹçисемпе видеоçыхăну урлă канашлу ирттериччен Раççей гражданĕсем умне тухса калаçрĕ.

Президент коронавирус инфекцийĕпе кĕрешнĕ май çĕршывра çакăн пек çĕнĕ мерăсем йышăнни пирки каларĕ:

. Коронавируспа чирлисемпе ĕçлекен медицина ĕçченĕсене хушма тỹлевсемпе тивĕçтерĕç. Врачсем 80 пиншер тенкĕ илĕç, вăтам персонал (çав шутра васкавлă пулăшу тухтăрĕсем) - 50 пиншер тенкĕ, кĕçĕн персонал (çав шутра васкавлă пулăшу фельдшерĕсемпе водителĕсем) - 25 пиншер тенкĕ. Хушма тỹлевпе апрельтен пуçласа виçĕ уйăх хушши тивĕçтерĕç.

. Ĕçсĕр тăрса юлнисене, енчен те вĕсем ĕçпе тивĕçтерекен центра кăçалхи мартăн 1-мĕшĕ хыççăн пынă пулсан, апрель, май, июнь уйăхĕсенче 12130 тенкĕ тỹлĕç.

. Пĕчĕк тата вăтам бизнес предприятийĕсене налуксем тỹлес енĕпе ултă уйăхлăха çăмăллăхсемпе тивĕçтерĕç.

. Çул çитмен ачасем пур çемьесене хушма пулăшусемпе тивĕçтерĕç (3 çулчченхи ачасемшĕн амăшĕн капиталĕнчен укçа парĕç, июньтен 3-7 çулхи ачасемшĕн укçа пама пуçлĕç).

Владимир Путин çĕршывра пурăнакансене килте лармалли режима пăхăнма чĕнсе каларĕ, инфекцие çĕнтересси çынсен дисциплининчен тата яваплăхĕнчен килнине пĕлтерчĕ, пурте пĕрле тăрăшсан коронавируса çĕнтеретпĕрех терĕ.