Уй-хир каллех техника шавĕпе тулчĕ. Çураки кунран-кун вăй илсе пырать. Кăçал республикăри акнă лаптăксем 560 пин гектар пулмалла, çав шутра çурхи культурăсем - 324,3 пин гектар. Ытларах пĕрчĕллĕ, пăрçа йышши тата выльăх апачĕн культурисем йышăнмалла. Çĕрулми 5,2 процент, ытти - техника культурисемпе пахча çимĕç.

Районти ялхуçалăх организацийĕсемпе фермер хуçалăхĕсем те уй-хире тухнă ĕнтĕ. Май уйăхĕн 14-мĕшĕ тĕлне кĕрхи культурăсене 1103 гектар çинче апатлантарнă. Нумай çул ỹсекен курăксене 520 гектар çинче минерал удобренийĕ хывнă, сỹрелесе кăпкалантарнă (2934 гектар). Çурхи пĕрчĕллĕ тата пăрçа йышши культурăсене 1618 гектар çинче акнă. Ку планăн 40,1 проценчĕпе танлашать. Çĕр улми районта 6 гектар лартнă, планпа 12 гектар пулмалла. Пахча çимĕç валли 1 гектар уйăрнă. Пĕр çул ỹсекен курăксене 370 гектар акнă, нумай çул ỹсекеннисене - 168 гектар. Çурхи пĕрчĕллĕ культурăсене акмалли хăвăртлăх талăкне 73 гектарпа танлашать.

А.ВАСЮКОВА.