Объявления

ВНИМАНИЮ РЕКЛАМОДАТЕЛЕЙ!

Все объявления и реклама дублируются

в группах райгазеты в социальных сетях "Одноклассники" и "ВКонтакте".

 

 

 

КУПЛЮ:

 

- коров, телок, бычков (от 1 мес.).

 

Вынужденный забой.

 

Тел.: 8 961 345 77 89.

 

 

tehnika3 

Магазин "ТЕХНИКА"

город Ядрин, ул. 50 лет Октября.

 

Тел.: 8 800 234 78 08

8 905 346 78 08

 

 

estetrabota

 Дверные технологии "ESTET"

вакансии оператора станков,

шлифовщик,упаковщик,

контролер

с.Красные Четаи,

ул.Придорожная, 27

 

ПРОДАЮ:

- КИРПИЧНЫЙ ДОМ

 в д. Питеркино,

газовое отопление,

земельный участок 15 соток.

Цена договорная.

Тел.: 8 987 660 82 97,

8 917 678 32 34.

 

ПРОДАЮ:

- керамзитобетонные блоки

20х20х40, 12х20х40;

Заводские, пропаренные.

Доставка, разгрузка

на гидроманипуляторе.

Тел.: 8 905 028 41 30,

8 903 346 22 93.

 

 evrookna

 ЕВРО ОКНА

Окна сейчас - деньги потом

8 902 288 77 90

8 953 899 69 75

 

Мининформполитики Чувашии

Дорогие друзья! Мы принимаем объявления на сайт!

Подробности по телефону: 8(83551)2-11-67, 8 (905) 341-06-62.E-mail: krchpress@chtts.ru , smi06@cap.ru  

Хаçат тусĕсем, спорта юратакансем старта тухрĕç

Категория: Спорт Опубликовано: 07.09.2018 09:06 Просмотров: 158

Кĕркунне пулнине пăхмасăр çуллахи пекех ăшă та хĕвеллĕ кун, стадион тулли халăх, хаваслă кăмăл, калаçу, йăл кулă - çакăн пек лару-тăрура иртрĕ сентябрĕн 5-мĕшĕнче район хаçачĕн парнисемшĕн çулсерен пулакан çăмăл атлетика эстафети.

"Пирĕн пурнăç" район хаçачĕн парнисене çĕнсе илессишĕн кăçалхипе тăххăрмĕш хут иртекен спорт уявне районта пурăнакансем - спортпа тата хаçатпа тачă çыхăну тытакан шкул ачисем, тĕрлĕ çĕрте ĕçлекенсем - чăннипех йышлăн пухăнчĕç. Ăмăртăва хутшăнма кăмăл тунисем 450 яхăн пулчĕç, унсăр пуçне куракансем те чылаййăнччĕ Хĕрлĕ Чутай салинчи Тĕп стадионта.

Прессăн спорт фестивалĕн пĕрремĕш тапхăрне савăнăçлă лару-тăрура уçнă çĕре район пуçлăхĕ Александр Степанов, район администрацийĕн пуçлăхĕн çумĕ - вĕренỹ пайĕн начальникĕ Игорь Живоев, "Пирĕн пурнăç" район хаçачĕн тĕп редакторĕ Алина Оринова, ăмăртусен тĕп судйи Алексей Никитин хутшăнчĕç, спортсменсене ăшшăн саламларĕç, ăнăçу сунчĕç.

Чи пĕрремĕш старта ача садне çỹрекенсем тухрĕç. Ку ушкăнта тăватă команда ăмăртрĕ. Пĕчĕк спортсменсенчен чи хăвăрт чупаканнисем Шулюри "Теремок" ача садне çỹрекенсем пулчĕç. Иккĕмĕш вырăна "Хĕвел" ача сачĕ тухрĕ, виççĕмĕшне - "Пилеш" ача сачĕн команди. Мăн Этменти "Колосок" садике çỹрекен ачасем те маттур пулнине палăртас килет.

Эстафетăна хутшăнакансенчен чи кĕçĕнни Шулюри Елисей Шуськин пулчĕ - вăл декабрьте 5 çул тултарать, чи асли - Хусанушкăнчи 71 çулхи Валентин Ефимович Харитонов.

Ытти ушкăнсенчи эстафетăсенче вара чи вăйлисем, хăвăртраххисем çаксем пулчĕç:

- Спорт çемйисем хушшинче финиша чи малтан Хусанушкăнчи Швецовсен çемйи çитрĕ, вĕсем çитес çур çулта район хаçатне тỹлевсĕр илсе тăрĕç. Иккĕмĕш вырăна Хĕрлĕ Чутайри Катюковсен çемйи тухрĕ, виççĕмĕшне - Хĕрлĕ Чутайри Чубайкинсем.

- Пĕтĕмĕшле пĕлỹ паракан тĕп шкулсем хушшинче Тури Çĕрпỹкассинчи спортсменсене çитекеннисем пулмарĕç. Иккĕмĕш вырăна хусанушкăньсем тухрĕç, виççĕмĕшне - мишеркассисем.

Çак ушкăнрах 7-9-мĕш классенче вĕренекенсене уйрăммăн палăртрĕç: пĕрремĕш вырăна Мăн Этмен шкулĕнче вĕренекенсем тухрĕç, иккĕмĕшне - атнарсем, виççĕмĕшне - питĕркассисем.

- Вăтам шкулсем хушшинче Хĕрлĕ Чутай шкулĕн команди çĕнтерчĕ, иккĕмĕш вырăна Атнар шкулĕн команди тивĕçрĕ, виççĕмĕшне - Çĕн Атикасси шкулĕн команди.

- Хĕрарăмсем хушшинче яланхи пекех Хĕрлĕ Чутай райповĕн пикисем пĕрремĕш вырăн йышăнчĕç. Иккĕмĕш вырăна Атнар шкулĕнче ачасене вĕрентекен пикесем тухрĕç, виççĕмĕшне - район больницин пикисем.

Кăçал хĕрарăмсен ушкăнĕнче старта 12 команда тухнине палăртса хăварас килет. Район пикисем пур çĕрте те маттур та пултаруллă пулнине тепĕр хут çирĕплетсе пачĕç.

- Арçынсен ушкăнĕнче икĕ команда старта тухрĕ, районти полици уйрăмĕн ĕçченĕсем финиша пĕрремĕш çитрĕç, райпо команди иккĕмĕш пулчĕ.

- Ял тăрăхĕсен пĕрлештернĕ командисем хушшинче Хусанушкăнь ял тăрăхĕ çĕнтерчĕ. Район администрацийĕн команди иккĕмĕш вырăн йышăнчĕ, Тралькасси ял тăрăхĕн команди - виççĕмĕш.

Ял тăрăхĕсен командисем кăçалхи ăмăртăва активлă хутшăннине палăртса хăварас килет, старта хăш-пĕр ял тăрăхĕсен пуçлăхĕсем те тухни уйрăмах савăнтарчĕ. Темшĕн-çке Хĕрлĕ Чутай, Питĕркасси, Штанаш ял тăрăхĕсен командисем хĕвеллĕ те ăшă çанталăкра чупма кăмăл тумарĕç. Кăлăхах, спорт сывлăха та, туслăха та çирĕплетет...

- Тĕп ушкăнра предприятисемпе организацисен командисем старта тухрĕç, кунта та райпо команди пĕрремĕш пулчĕ, иккĕмĕш вырăна район больницин команди тухрĕ.

- Спорт ветеранĕсем хушшинче Тури Çĕрпỹкасси шкулĕн команди палăрчĕ, иккĕмĕш вырăна "Хастар" ФСК спортсменĕсем тухрĕç.

Çĕнтерỹçĕсем пурте кубоксене, район администрацийĕн хисеп грамотисене, "Пирĕн пурнăç" хаçат парнисене - райхаçатра пĕр хутчен 300 тенкĕлĕх пĕлтерỹ е салам пичетлеме çăмăллăх паракан купона - тивĕçрĕç.

Чăваш Енри прессăн спорт фестивалĕн пĕрремĕш тапхăрне хутшăннисем ыран, сентябрĕн 8-мĕшĕнче, пирĕн паллă ентеше Андриян Николаев летчик-космонавта асăнса иртекен спорт фестивалĕн Шупашкарта "Олимпийский" стадионта иртекен иккĕмĕш тапхăрне хутшăнĕç. "Советская Чувашия" хаçат парнисемшĕн иртекен 80-мĕш эстафетăна хĕрлĕчутайсем те тивĕçлĕ хутшăнасса шанатпăр.

Юлашкинчен вара юнкун район хаçачĕн парнисене çĕнсе илессишĕн иртнĕ эстафетăна хутшăннă кашни çынна чĕререн тав тăватпăр, çирĕп сывлăх сунатпăр, телей-ăнăçу яланах сирĕнпе юнашар çỹреччĕр. Малашне те пурин те прессăн спорт фестивальне хутшăнма вăхăт тата кăмăл пултăр.

РЕДАКЦИ.

Добавить комментарий

Архив материалов

Июль 2019
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Яндекс. Новости