Грипп чирĕ çăмăллăн та, йывăррăн та иртме пултарать. Хăрушлăх ушкăнĕнче - пилĕк çулчченхи ачасем, 65 çултан иртнисем, ача кĕтекен хĕрарăмсем, çавăн пекех вăраха кайнă чирсемпе аптăракансем, самăр çынсем, иммунитет çирĕп пулманнисем.

Грипп - ОРВИ чирĕн йывăр тĕсĕ. Чир тапхăрлă характерлă, ỹт температури хăпарнипе палăрса тăрать. Грипăн вирусĕсем улшăнуллă - уйрăмах А тата В ушкăнрисем. Вĕсене пула эпидеми пулать те.

Чирĕн çăлкуçĕ - гриппа чирлекен çын. Малтанхи 5-6 кунсенче чирлекен çын ыттисемшĕн хăрушлăх кăларса тăратать. Вирус чирлĕ çын урлă сывлăшпа, сурчăкпа, ỹсĕрнĕ, калаçнă вăхăтра, савăт-сапапа та куçать. Ачасем теттесем урлă та чир ертме пултараççĕ. Грипăн А тĕсĕпе 1 çултан пуçласа 3 çул таран чирлеме пулать, В тĕсĕпе - 3 çултан пуçласа 4 çул таран.

Грипп ăнсăртран пуçланать. Сив чир аптăратма пуçлать, пуç ыратать тата çаврăнать, вăй чакать. Сив чир икĕ юхăмпа иртме пултарать. Симптомсем малтанах 5 кун хыççăн палăрма пăрахаççĕ. Сив чир тапхăрĕнче сăн-пит хĕрелет, юн пусăмĕ чакма пултарать, ỹт типет. Типĕ ỹслĕк те пулма пултарать, сунаслас килет. Ачасене пыршăлăх аптăратма пултарать. Чирĕн çăмăл степенĕ чухне ỹт температури 2-3 кун хушши 38-тан иртмест. Пуç вăрах кăна ыратать. Вăйсăрлăх тăрать. Пыр йĕкĕлтеме, сăмса питĕрĕнсе ларма пултарать. Вăтам степеньре вара ỹт температури 38,1-рен 40-е çитет. Вăйсăрлăх 6-8 куна пырать. Йывăр степеньре ỹт температури 40-рен те иртме пултарать. Сив чир 5-6 куна тăсăлать. Пуç, тĕртĕмсем ыратаççĕ, чĕре таппи ỹсет, ыйхă килмест, сăмсаран юн кайма пуçлать. Чир йывăра кайсан чĕре-тымар тытăмĕ, пуç мими аптăрать. Диагноза пациента пăхнă, анализа илнĕ хыççăн палăртаççĕ. Пневмони пулнине сиссен тухтăрсем ỹпкене пăхаççĕ, отоларинголог та тĕрĕслет.

Тĕплĕнрех - "Пирĕн пурнăç" хаçатра.