Ятарлă çар операцине хутшăнса пуçĕсене хунă паттăрсем ячĕпе округра мемориал хăми уçасси йăлана кĕчĕ. Иртнĕ эрнере кăна эпир Çĕн Ирчемесре пурăннă Михаил Владимирович Баринов ефрейтор кил-çурчĕ çинче мемориал хăми уçнине пĕлтернĕччĕ. Хастар та паттăр салтакăн кун-çулĕ çинчен тепĕр хут аса илтерес тетпĕр. (Çуралса ỹснĕ ялне тĕрĕс мар кăтартнăран статья авторĕ çывăх çыннисенчен каçару ыйтать).

Михаил Çĕн Ирчемес ялĕнче Мария Алексеевнăпа Владимир Михайлович Бариновсен çемйинче çуралнă, çемьере ултă ачаран - пилĕк хĕрпе пĕр ывăлтан - чи кĕçĕнни пулнă. Мăшăр ывăл çураласса чăтăмсăррăн кĕтнĕ. Амăшĕ мĕн тивĕçлĕ канăва тухиччен ялти фельдшер пунктĕнче санитаркăра ĕçленĕ, ашшĕ "Путь коммунизма" колхозра тĕп инженерта тăрăшнă. Унăн кун-çулĕ ирех татăлнă май, Мария Алексеевнăн чун тĕпренчĕкĕсене ура çине пĕчченех тăратма тивнĕ. Хĕрарăм парăнман, ачисене тивĕçлĕ воспитани панă, çĕршыва юрăхлă çын тунă. Михаил та ачаранах техникăпа интересленнине палăртмалла, ăна салатса каялла пухма юратнă. Тен, çавăнпа шкул хыççăнах водитель-механика вĕреннĕ. Каччă салтак тивĕçне пурнăçланă хыççăн çемье те çавăрнă, Андрей ывăл ỹсет.

Тĕплĕнрех - "Пирĕн пурнăç" хаçатра.